Մայիսի 27–ին ավտովթար է տեղի ունեցել Տավուշի մարզում։ 

Ինչպես դեպքի վայրից  հայտնում է ֆոտոլրագրող Գագիկ Շամշյանը ժամը 00.10–ի սահմաններում Դիլիջանի հիվանդանոցից Ոստիկանության Դիլիջանի բաժին հայտնել են, որ գլխի շրջանում քերծված–պատռված վերքեր, աջ ձեռքի թիկնային մակերեսի պատռված վերք՝ արտաքին սուր արյունահոսությամբ մարմնական վնասվածքներով իրենց մոտ է տեղափոխվել 31-ամյա Սամսոն Շահումյանը, իսկ գոտկային շրջանի սալջարդ մարմնական վնասվածքով 27-ամյա Սուսաննա Վարդանյանը։

Ոստիկանության Դիլիջանի բաժնի օպերատիվ քննչական խումբը հիվանդանոցում պարզել է, որ վերջիններս հիվանդանոց են տեղափոխվել Դիլիջան քաղաքի Գետափնյա փողոցի սկզբնամասից, որտեղ Ս. Շահումյանը, վարելով «Տոյոտա Քեմրի» մակնիշի 07 LO 770 համաևրանիշի ավտոմեքենան, դուրս է եկել երթևեկելի գոտուց և գլխիվայր շրջվել։

Գ. Շամշյանը հայտնում է, որ վթարված ավտոմեքենան գրանցված է 31–ամյա Գարեգին Հարությունյանի անունով։

Փաստի առթիվ Ոստիկանության քննչական գլխավոր վարչության Տավուշի մարզի քննչական բաժնի Դիլիջանի քննչական բաժանմունքում նյութեր են նախապատրաստվում։

Քննիչի հանձնարարականով ավտոմեքենան տեղափոխվել է Դիլիջանի Ոստիկանության տուգանային հրապարակ։

 

Լուսանկարները` Գագիկ Շամշյանի