մայիսի 12-ին, ավտովթար է տեղի ունեցել Գեղարքունիքի մարզում։
Ինչպես դեպքի վայրից հայտնում է ֆոտոլրագրող Գագիկ Շամշյանը, ժամը 07.30–ի սահմաններում Տավուշի մարզի Չորաթան գյուղի բնակիչ 33–ամյա Էդգար Լազյանը, վարելով «Օպել Վեկտրա» մակնիշի 32 SO 494 համարանիշի ավտոմեքենան՝ Ճամբարակ–Սևան ավտոճանապարհի 6-րդ կմ հատվածում դեպի Ճամբարակ ընթանալիս դուրս է եկել ճանապարհի երթևեկելի գոտուց և գլորվելով, մի քանի պտույտ շրջվելով, գլխիվայր վիճակում հայտնվել աջակողմյան ձորակում։
Վթարի հետևանքով վարորդը և ուղևորներ նույն գյուղի բնակիչներ 16-ամյա Ռաֆայել Բաբայանն ու 35-ամյա Քրիստինե Բաբայանը մարմնական վնասվածքներով տեղափոխվել են Ճամբարակի բժշկական կենտրոն: Վիրավոր վարորդին և ուղևորներին ավտոմեքենայից դուրս են բերել Ճանապարհային ոստիկանության 2-րդ սպայական գումարտակի 4-րդ վաշտի 1–ին դասակի աշխատակիցները, ինչպես նաև Ոստիկանության Ճամբարակի բաժնի օպերատիվ խումբը՝ քաղաքացիների օգնությամբ։ Ոստիկանության Ճամբարակի բաժնի օպերատիվ խումբը ղեկավարել է բաժնի պետ Յուրա Գևորգյան ։
Դեպքի վայր է ժամանել ՃՈ 2-րդ սպայական գումարտակի 4-րդ վաշտի 1–ին դասակի հրամանատար Սերգեյ Հակոբյանը։
Վթարի վայրում քննչական աշխատանքները ղեկավարում է Ոստիկանության Քննչական գլխավոր վարչության Գեղարքունիքի մարզի քննչական բաժնի Ճամբարակի քննչական բաժանմունքի ավագ քննիչ Բագրատ Հարությունյանը։
Գ. Շամշյանը հայտնում է, որ իր տեղեկություններով վարորդ Է. Լազյանը ծառայում է ՀՀ ՊՆ N զորամասում՝ որպես ջոկի գնդացրորդ։
Գ. Շամշյանի տեղեկություններով նախապատրաստված նյութերը Ոստիկանության Ճամբարակի բաժնից կուղարկվի Պաշտպանության նախարարության Ռազմական ոստիկանություն։
Լուսանկարները` Գագիկ Շամշյանի
|