Մայիսի 11-ին, ավտովթար է տեղի ունեցել Լոռու մարզում։
Ինչպես հայտնում է ֆոտոլրագրող Գագիկ Շամշյանը, ժամը 19.30–ի սահմաններում Լոռու մարզի Լեռնավան գյուղի բնակիչ 32-ամյա Համլետ Ավագյանը, վարելով «Մերսեդես Ե220» մակնիշի 24 ՍԼ 010 համարանիշի ավտոմեքենան, Սպիտակ–Երևան ավտոճանապարհի 12-րդ կմ հատվածում դուրս է եկել ճանապարհի երթևեկելի գոտուց, շրջվել և հայտնվել ձորակում։
Վթարի հետևանքով վարորդը և ուղևորներ՝ եղբայրներ Վաչիկ և Խաչիկ Հովսեփյանները, Սյուզետա Մարտիրոսյանը և Հասմիկ Ավագյանը մարմնական վնասվածքներով տեղափոխվել են Սպիտակի բժշկական կենտրոն։ Վթարի վայր են ժամանել Ճանապարհային ոստիկանության 2-րդ սպայական գումարտակի 5-րդ վաշտի աշխատակիցները՝ հրամանատար Վարդան Նարգիզյանի գլխավորությամբ։
Վթարի վայրում քննչական աշխատանքները ղեկավարել է Ոստիկանության քննչական գլխավոր վարչության Լոռու մարզի քննչական բաժնի Սպիտակի քննչական բաժանմունքի քննիչ Հայկ Յաղուրյանը։
Քննիչի հանձնարականով ավտոմեքենան տեղափոխվել է Ոստիկանության Սպիտակի բաժնի տուգանային հրապարակ։
Փաստի առթիվ քննիչ Յաղուրյանի կողմից նյութեր են նախապատրաստվում։
| 
