Մայիսի 12–ին, խոշոր ավտովթար է տեղի ունեցել Երևանում։
Ինչպես դեպքի վայրից հայտնում է ֆոտոլրագրող Գագիկ Շամշյանը, Պռոշյան փողոցի թիվ 7 տան դիմաց իրար են բախվել «ՎԱԶ 2121» մակնիշի 15 ՏՕ 440 համարանիշի և «Շևրոլե» մակնիշի 64 ՍO 505 համարանիշի ավտոմեքենաները։ Բախման հետևանքով «ՎԱԶ 2121»–ի ուղևորը տեղում մահացել է, իսկ հիվանդանոց են տեղափոխվել ևս 4 հոգի։ Դեպքի վայր են ժամանել Ճանապարհային ոստիկանության 1-ին սպայական գումարտակի աշխատակիցները՝ հրամանատարի տեղակալ Հայկազ Մաթևոսյանի գլխավորությամբ, ովքեր պարզեցին, որ մահացածը 50-ամյա Ռաֆիկ Մուրադյանն էր։ Դեպքի վայրում հավաքվածները պատմել են, որ վթարի հիմնական մեղավորը եղել է «Շևրոլեի» վարորդը։
Դեպքի վայրում հավաքվածները պատմում են, որ «Շևրոլե»–ի վարորդը ճանաչված ըմբշամարտիկ Նորայր Մուշեղյանի որդին է եղել։ Դեպքի վայրում հավաքվածները ֆոտոլրագրողին պատմել են, որ մահացածը երեք երեխաների հայր էր, և աշխատում էր Կասյան 1 հասցեում գործող տարադրամի փոխանակման կետում, և 1 տարի առաջ, երբ զինված հանցագործը փորձել էր ավազակային հարձակման եղանակով թալանել տարադրամի փոխանակման կետը, Ռաֆիկ Մուրադյանը վնասազերծել էր հանցագործին։
|