Մայիսի 13-ին, ավտովթար է տեղի ունեցել Լոռու մարզում։ 

Ինչպես դեպքի վայրից  հայտնում է ֆոտոլրագրող Գագիկ Շամշյանը, Երևանի Բայրոնի փող բնակիչ 47–ամյա Անդրանիկ Գրիգորյանը, վարելով «ԲՄՎ» մակնիշի ավտոմեքենան, Երևան–Վանաձոր ավտոճանանապարհի 98–րդ կմ հատվածում՝ Սպիտակի ոլորաններում՝ «Ծաղկունք» խորտկարանի դիմաց դուրս է եկել ճանապարհի երթևեկելի գոտուց, շրջվել և գլխիվայր հայտնվել ձորակում։

Գ. Շամշյանը հայտնում է, որ բարեբախտաբար զոհեր և վիրավորներ չկան, իսկ ավտոմեքենայի մեջ, բացի վարորդից, եղել է նաև նրա որդին՝ Ալեքսանդր Գրիգորյանը։ Մեքենան հաշվառված է վերջինիս անվամբ, իսկ ավտոմեքենայի վրա եղել են տրանզիտ համարանիշեր։

Այս պահին դեպքի վայր են ժամանել Ճանապարհային ոստիկանության 2-րդ սպայական գումարտակի 5–րդ վաշտի 1–ին դասակի աշխատակիցները՝ Մարտիկ Բալայանի գլխավորությամբ։