Մայիսի 11-ին, ավտովթար է տեղի ունեցել Կոտայքի մարզում:
Ինչպես դեպքի վայրից Tert.am-ին հայտնում է ֆոտոլրագրող Գագիկ Շամշյանը, Անուշ-Աղվերան առողջարանային համալիրի ճանապարհին իրար են բախվել «Լադա 2110» մակնիշի 673 ԼԼ 64 համարանիշի և «ՎԱԶ 2106» մակնիշի 42 ՏՏ 980 համարանիշի ավտոմեքենաները:
Վթարի հետևանքով 4 հոգի մարմնական վնասվածքներով տեղափոխվել են Չարենցավանի բժշկական կենտրոն:
Դեպքի վայր են ժամանել Ճանապարհային ոստիկանության 2-րդ սպայական գումարտակի 3-րդ վաշտի 2-րդ դասակի աշխատակիցները՝ վաշտի հրամանատարի տեղակալ Երվանդ Ալեքսանյանի գլխավորությամբ:
ՃՈ աշխատակիցները պարզել են, որ հիվանդանոց տեղափոխած անձինք Կոտայքի մարզի Արզաքան համայնքի բնակիչներ են՝ 45-ամյա Տարոն Անտոնյանը, 44-ամյա Տաթևիկ Մովսիսյանը, 54-ամյա Գայանե Մալոյանը, ինչպես նաև «Վազ 2106»-ի վարորդ, 35-ամյա Հրաչ Մովսիսյանը:
Դեպքի վայր է ժամանել ոստիկանության քննչական գլխավոր վարչության Կոտայքի մարզի քննչական բաժնի Չարենցավանի քննչական բաժանմունքի քննչական խումբը՝ բաժանմունքի պետ Արման Զարգարյանի գլխավորությամբ:
Պարզվել է, որ «Լադա 2110»-ի վարորդը եղել է Երևանի Դավիթաշեն վարչական շրջանի բնակիչ, 25-ամյա Արսեն Մուրադյանը:
Վիրավորների կյանքին վտանգ չի սպառնում:
Փաստի առթիվ ոստիկանության քննչական գլխավոր վարչության Կոտայքի մարզի քննչական բաժնի Չարենցավանի քննչական բաժանոմունքում նյութեր են նախապատրաստվում:
|