Главная » 2012 » Апрель » 3 » Չարենցի փողոցում իրար են բախվել, «ՎԱԶ 2121-ը», «ԲՄՎ Իքս–6»-ը և «Սուբարուն» (ֆոտոշարք, տեսանյութ)
17:53
Չարենցի փողոցում իրար են բախվել, «ՎԱԶ 2121-ը», «ԲՄՎ Իքս–6»-ը և «Սուբարուն» (ֆոտոշարք, տեսանյութ)
Ապրիլի 3-ին, խոշոր ավտովթար է տեղի ունեցել Երևանում։
Ինչպես դեպքի վայրից հայտնում է ֆոտոլրագրող Գագիկ Շամշյանը, Չարենցի փողոցում, Ջոն Կիրակոսյան անվան (Դերժինսկու) դպրոցի դիմաց իրար են բախվել «ՎԱԶ 2121» մակնիշի, «ԲՄՎ Իքս–6» մակնիշի և «Սուբարո» մակնիշի 23 ՏԼ 044 համարանիշի մեքենաները։
Վթարի հետևանքով բարեբախտաբար զոհեր և վիրավորներ չկան, սակայն շուրջ 30 րոպե՝ դեռևս դեպքի վայր չէին ժամանել Ճանապարհային ոստիկանության և ապահովագրական ընկերությունների ներակայացուցիչները։ Նշված հատվածում երթևեկությունը որոշ չափով կաթվածահար է եղել։ «ՎԱԶ 2121»–ի և «ԲՄՎ Իքս–6»–ի վրայից հանվել էին համարանիշները։
Այս պահին սպասում են որպեսզի դեպքի վայր ժամանեն հետաքննիչը։ Ավելի ուշ ժամանեցին առաջին սպայական գումարտակի աշխատակիցները, որոնց հանձնարարականով մեքենաների համարանիշները հայտնվեցին մեքենաների վրա։ «ԲՄՎ Իքս–6» մակնիշի ավտոմեքենայի համարանիշներն էին՝ 333 NN 03, իսկ «ՎԱԶ 2121»–նը՝ 23 TS 332։