Ոստիկանության Քննչական գլխավոր վարչության Երևանի քննչական վարչության Ճանապարհատրանսպորտային հանցագործությունների քննության բաժնում նյութեր են նախապատրաստվում մայիսի 18-ին Երևանում տեղի ունեցած ավտովթարի փաստով։

 

Ինչպես   հայտնում է ֆոտոլրագրող Գագիկ Շամշյանը, մայիսի 18-ին ժամը 22-ի սահմաններում Երևանի Խաչիկ Դաշտենց փողոցի թիվ 14 էլեկտրասյան դիմաց իրար են ընդհարվել Էրեբունու փողոցի բնակիչ 43-ամյա Սիմոն Մանուկյանի վարած «Մերսեդես Բենց Ե 200» մակնիշի18 ՏՍ 957 համարանիշի և Երևանի Սիսակյան փողոցի բնակիչ 50–ամյա Ռազմիկ Գալստյանի վարած «Տոյոտա» մակնիշի 007 ՕՕ 01 համարանիշի ավտոմեքենաները։

 

Բախման հետևանքով «Տոյոտա»–ի ուղևոր Երևանի Արզումանյան փողոցի բնակիչ 64–ամյա Գալուստ Սահակյանը մարմնական վնասվածքներով տեղափոխվել է Էրեբունի բժկական կենտրոն՝ բժշկական հետազոտման։

 

Գ. Շամշյանը հայտնում է, որ «Տոյոտայի» համարանիշները հաշվառված են ԱԺ ավտոտնտեսության հաշվեկշռում և նշված ավտոմեքենան սպասարկում է ԱԺ պատգամավոր, ՀՀԿ փոխնախագահ Գալուստ Սահակյանին։ Իսկ վարորդն էլ աշխատում է ԱԺ–ում՝ որպես վարորդ։