Հունիսի 4-ին, ավտովթար է տեղի ունեցել Գեղարքունիքի վայրում:
Ինչպես դեպքի վայրից հայտնում է ֆոտոլրագրող Գագիկ Շամշյանը, ժամը 16.30-ի սահմաններում Գեղարքունիքի մարզի Ծովագյուղի բնակիչ, 47-ամյա Վարդան Գուլանյանը, վարելով «ՎԱԶ 21015» մակնիշի 17 ԼՍ 140 համարանիշի ավտոմեքենան, Սևան-Ծովագյուղ-Սեմյոնովկա ավտոճանապարհի 3.5 կմ հատվածում դուրս է եկել ճանապարհի երթևեկելի գոտուց, բախվել բետոնե արգելապատնեշին և մոտ 50 մետր գլորվել ձորը:
Վարորդին ավտոմեքենայից դուրս են բերել գյուղացիները, սակայն հիվանդանոց տեղափոխելու ճանապարհին՝ շտապօգնության ավտոմեքենայի մեջ, Վ.Գուլանյանը մահացել է:
Դեպքի վայր են ժամանել Ճանապարհային ոստիկանության 2-րդ սպայական գումարտակի 4-րդ վաշտի աշխատակիցները՝ հրամանատար Սերգեյ Հակոբյանի և հրամանատարի տեղակալ Կարեն Մատինյանի գլխավորությամբ:
Դեպքի վայր է ժամանել նաև Ոստիկանության քննչական գլխավոր վարչության Գեղարքունիքի մարզի քննչական բաժնի Սևանի քննչական բաժանմունքի քննիչ Վահագն Ղարիբյանը:
Այս պահին դեպքի վայր են կանչում հատուկ տեխնիկա, որպեսզի ավտոմեքենան դուրս բերվի ձորից և տեղափոխվի ոստիկանության Սևանի բաժնի տուգանային հրապարակ:
Լուսանկարները՝ Գագիկ Շամշյանի