հունիսի 6-ին ավտովթար է տեղի ունեցել Գեղարքունիքի մարզում:
Ինչպես հայտնում է ֆոտոլրագրող Գագիկ Շամշյանը, ժամը 20-ի սահմաններում Վարդենիս-Մարտունի ավտոճանապարհի 7-րդ կմ հատվածում «Օպել Վեկտրա» մակնիշի 14 ՏԼ 062 համարանիշի և «ՎԱԶ 21121» մակնիշի 30 ՕՕ 960 համարանիշի ավտոմեքենաները դիմահար բախվել են իրար: «Օպել Վեկտրա»-ն վարել է Գեղարքունիքի մարզի Վարդենիկ գյուղի բնակիչ 41-ամյա Արայիկ Կարեյանը, իսկ «ՎԱԶ 21121»-ը՝ Վարդենիս քաղաքի բնակիչ 28-ամյա Նվեր Մարտիրոսյանը:
Վթարի արդյունքում երկու մեքենաների վարորդները և «Օպել Վեկտրա»-ի ուղևորներ՝ Գեղարքունիքի մարզի Վարդենիկ գյուղի բնակիչներ 42-ամյա Սլավիկ Եղոյանը և Վիրաբ Մխեյանը, ինչպես նաև «Վազ 21121»-ի ուղևոր Վարդենիս քաղաքի բնակիչ 19-ամյա Արգինե Սարգսյանը ստացել են տարբեր աստիճանի մարմնական վնասվածքներ և տեղափոխվել Վարդենիսի բժշկական կենտրոն, իսկ ավելի ուշ՝ Երևան:
Դեպքի վայրում քննչական աշխատանքները ղեկավարում է ոստիկանության քննչական գլխավոր վարչության Գեղարքունիքի մարզի քննչական բաժնի Վարդենիսի քննչական բաժանմունքի քննիչ Գարիկ Երանոսյանը, ում կողմից փաստի առթիվ նյութեր են նախապատրաստվում:
Տեղում են նաև Ճանապարհային ոստիկանության 2-րդ սպայական գումարտակի 4-րդ վաշտի 1-ին դասակի աշխատակիցները՝ հրամանատար Սերգեյ Հակոբյանի գլխավորությամբ: Նույն դասակի տեսուչ Հայկ Սարգսյանի ուղեկցությամբ մեքենաները տեղափոխվել են Ոստիկանության Վարդենիսի բաժնի տուգանային հրապարակ:
Լուսանկարները՝ Գագիկ Շամշյանի