մարտի 4–ին ավտովթար է տեղի ունեցել Լոռու մարզում։
Ինչպես դեպքի վայրից հայտնում է ֆոտոլրագրող Գագիկ Շամշյանը, Ժամը 02:00–ի սահմաններում Վանաձորի Շտապօգնության կայանից հայտնել են Ոստիկանության Գուգարքի բաժին, որ Վանաձոր–Ալավերդի 17–րդ կմ–ում (Եղեգնուտ գյուղի հատվածում) ավտովթար է տեղի ունեցել։
Դեպքի վայր են մեկնել 2-րդ սպայական գումարտակի 5-րդ`վաշտի աշխատակիցները՝ հրամանատար Վարդան Նարգիսյանի գլխավորությամբ։
ՃՈ աշխատակիցները պարզել են, որ նույն օրը ժամը 1-ի սահմաններում Վանաձորի բնակիչ, 1979 թվակսնին ծնված Սասուն Սահակյանը վարելով «ԶԻԼ 130» մակնիշի 25 ՍՍ 213 համարանիշի ավտոմեքենան, բախվել է Համլետ Խառատյանի վարած «Ֆորդ տրանզիտ» մակնիշի 32ԼՍ 023 համարանիշի ավտոմեքենային, որի հետևանքով Հ. Խառատյանը տեղում մահացել է։
Դեպքի վայր են ժամանել նաև Ոստիկանության Գուգարքի բաժնի օպերատիվ խումբը և Ոստիկանության քննչական գլխավոր վարչության Լոռու մարզի քննչական բաժնի քննիչը։
Քննչական բաժինը պարզում է մահացածի մնացած տվյալները։ Փաստի առթիվ հարուցվել է քրեական գործ ՀՀ Քրօր–ի 242 հոդվածի 2-րդ մասի հատկանիշներով։
texekutyun@ armenia tviyic
Լուսանկարները` Գագիկ Շամշյանի