Մայիսի 10-ին, ավտովթար է տեղի ունեցել Լոռու մարզում։
Ինչպես News.armeniatv.com–ին հայտնում է ֆոտոլրագրող Գագիկ Շամշյանը, ժամը 17.00-ի սահմաններում Լոռու մարզի Սպիտակի տարածաշրջանի Շիրակամուտ գյուղի բնակիչ, 25-ամյա Հովհաննես Մազմանյանը, վարելով «Լենդ Ռովեր» մակնիշի 08 ՍՍ 588 համարանիշի ավտոմեքենան, Սպիտակ–Գյումրի ավտոճանապարհի 10-րդ կմ հատվածում դուրս է եկել ճանապարհի երթևեկելի գոտուց և հայտնվել ձորակում։
Վթարի հետևանքով վարորդը և ուղևորը՝ Շիրակամուտ գյուղի 25-ամյա բնակիչ Լարվենտ Երանոսյանը, մարմնական վնասվածքներով տեղափոխվել են Սպիտակի բժշկական կենտրոն։
Դեպքի վայր են ժամանել Ճանապարհային ոստիկանության 2-րդ սպայական գումարտակի 5-րդ վաշտի աշխատակիցները՝ հրամանատար Վարդան Նարգիզյանի գլխավորությամբ։
Փաստի առթիվ Ոստիկանության քննչական գլխավոր վարչության Լոռու մարզի քննչական բաժնի Սպիտակի քննչական բաժանմունքում նյութեր են նախապատրաստվում։ Լուսանկարները՝ Գագիկ Շամշյանի
| 
